Inuussutissarsiutit

RAL nutaamik pisortaanertaartoq

Royal Arctic Linep siulersuisuisa 49-nik ukiulik Verner Hammeken suliffeqarfimmut pisortaanertut toqqarsimavaat.
Verner RAL
Assi © : RAL
Allattoq Hagen Højer Christensen
marsip 26-at 2015 13:04
Nutserisoq Erna Lynge

Pisortaaninngortussap  Jens Andersen taarsissavaa, Namminersorlutik Oqartussat suliffeqarfiutaanni imminut pigisumi 2001-imili pisortaanerusimasoq taanna pensionertussanngormat.

Verner Hammeken atorfittaamini augustip aallaqqaataani 2015 aallartissaaq. Mærskimi Afrikap qiterpasissuani piginneqatigiiffimmi Damcomi pisortaagaluarpoq.

Verner Hammeken Narsami inunngorsimasoq, A. P. Møller-Mærskimi shippingimik, tassa umiarsuup usissaanik agguataarisartutut ilinniagaqarsimavoq. Ilinniarnini Københavnip Universitetiani, London Business Schoolimilu kursusertarluni annertusarsimavaa, Juulimilu ukioq manna MBA Aston Business Schoolimi naammassissallugu.

Danmarkimi A. P. Møller-Mærskimi, Singaporemi, Elfenbenskystenimi, Congomi Camerounimilu sulisimavoq, containerilersorluni sulinerit annerusumik aallussimallugit. Ukiuni 17-ini kingullerni Verner Hammeken Danmarkip avataani sulisimavoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk