RAL-ip umiarsuaa Islandimi talittarfimmut aportoq
Reykjavikip talittarfiata ilaa Sundahøfnimiittoq Royal Arctic Linep umiarsuaataanit Naja Arcticamit sapaatiummat maajip 26-ani aporneqarpoq.
Allattoq Ivik Kristiansen
Royal Arctic Line tusagassiuutinut nalunaarummi taama paasissutissiivoq.
Umiarsuaatileqatigiiffiup aamma paasissutissiissutigaa, ajutoornermi inunnik ajoqusertoqanngitsoq.
Talittarfillu innarlerneqaraluartoq umiarsuaq annerusumik ajoqusinngilaq. Royal Arctic Linelu naapertorlugu, ajutoorneq sivisunerusumik kinguaattoortitsissanngilaq.