RAL ingerlalluartoq
RAL-ip umiarsuaatai 51-eriarlutik apriilimi tikittut 96 procentii piffissaq eqqorlugu tikittut, apriilimut kisitsisit takutikkaat, umiarsuaatileqatigiiffiup nalunaarutigaa.
Tamanna marsimut, siorna piffissap taamaalineranut naleqqiullugu aamma ingerlalluarfiusumut, naleqqiullugu pitsanngoriarnerusoq, Royal Arctic Line tusagassiuutinut nalunaaruteqarluni allappoq.
AAMMA ATUARUK Royal Arctic Line aatsaat taama sinneqartoortigisoq
Tamannalu naatsorsuutigineqartumit ingerlalluarneruvoq, naak Malik Arcticap maskinarsuani ajornartorsiuteqartoqarsimagaluartoq, kujataanilu sikorsuit ajornartorsiutaasimagaluaqisut, Royal Arctic Line allappoq.
Ingammik Nuummi, terminalimik suli ilinniarfiusumi sulilluartoqarsimanera aammalu piffissaq silallu pissusaa eqqarsaatigalugu piffissaq eqqorlugu aallarniartarnerup ukkatarineqarnera qaammammi angusaqarluarnermut pissutaasut umiarsuaatileqatigiiffik allappoq.
