RAL arnamik misilittagaqarluartumik pisortaanertaarpoq

Pissutsit nutaat - pisortaaneq nutaaq.

Arctic Umiaq Line-imik piginnittut nutaat, tassa Air Greenland A/S aamma Royal Arctic Line A/S, umiarsuaatileqatigiiffimmut pisortaanerusussamik nutaamik toqqaapput.

Toqqarneqartoq angallannerup silarsuaaneersuuvoq, misilittagartuullunilu:

- Nuannaarutigalugu nalunaarutigisinnaavarput Air Greenland A/S-imi tuniniaanermik pisortaq, Jette Larsen, Arctic Umiaq Line-imi pisortaanertut atorfininnissaminut akuersisimammat, Air Greenland A/S-ip pisortaanera, Flemming Knudsen, aamma Royal Arctic Line-ip pisortaanera, Jens Andersen tusagassiutinut allagaqaateqarnerminni allapput.

Air Greenland A/S-imi tuniniaanermik pisortatut sulinermi siornatigut, Jette Larsen Arctic Umiaq Line-mi ukiuni arfineq-pingasuni sulisimavoq, Royal Arctic Line-imilu siulersuisuni siulittaasuulluni.

Jette Larsen ukiup naanissaata tungaanut Air Greenlandimi suligallassaaq, Arctic Umiaq Line-imili suliassat arlallit novembarip qaammataata qiteqqunneraniit tigummilereertussaassallugit.