Kitaata avataani uuliaqarsinnaaneranik misiliilluni qillerisussat isumagineqartarnissaannik ”Danbor Service” aamma ”Royal Arctic Line” suleqatigiinnissamik atsioqatigeeqqammerput.
Royal Arctic Linep piginnittuini siulittaasup, Martha Labansenip, suleqatigiinnerit taamaattut misilittagaqarluarfigineqarnerat ilisimaarinerarpaa, taamaammallu suliffeqarfissuit taakku marluk suleqatigiilernerat toqqammavissaqarluarnerarlugu.
- Avatitta imartaani uuliasiortoqalerpat uuliasiortitseqatigiiffissuarnut ajukkunnanngitsumik sullissisinnaanngorpugut, Martha Labansen naggasiivoq.