KNR Radiukkut pilluaqqussutit
Knr.gl aqqutigalugu kortilu akiliutaasartoq nalinginnaasoq * atorlugu akiliilluni radiukkut maannakkut pilluaqqusisoqarsinnaanngorpoq.
Ikinngutinnik ilaquttannillu inuulluaqqusiniaruit KNR-ip nittartagaanit inuulluaqqusisinnaalerputit, inuulluaqqussutit allaannassavat taavalu sullissineq kortimik akiliutigisartakkannik akilerlugu. Pilluaqqussutit ullormi kissaatigisanni atuarneqassaaq, knr.gl-imi piffissaliussat takusinnaavatit.
Qangaagaluarpat TELEPOST-imut qaninnermut nammineerlutit immersuiartoqqaarlutit karsimi akiliissagaluarputit. Maanna piaartumik qarasaasiarlu imaluunniit smartphone atorlugu ajornanngitsumik nammassisinnaavat.
Maani nunatsinni nunaqqatit ilaquttallu ungasissumiikkaluartut radiukkut pilluaqqusarneri inuulluaaqusarnerilu qangali ileqquuvoq. Taamaattumik atuisartutsinnut tamassuma ajornannginnerulersissinnaanera nuannaarutigaara, KNR-imi pisortaaneq Karl-Henrik Simonsen oqarpoq.
Taamaakkaluartoq suli periarfissaavoq qangatut TELEPOST-imukariarluni inuulluaqqussummik nassiussinissaq.
Radiukkut inuulluaqqussummik nassiussinissamut periarfissat una alakkarlugu paasiniaagit >
Juullimi pilluaritsi.
KNR tamaat sinnerlugu
Karl-Henrik Simonsen
Pisortaaneq
* Kortit nalinginnaasut tassaapput Dankort, Visa og Mastercard. Ajoraluartumik Akiliut internettikkut atorneqarsinnaanngilaq
