Raajat siornatulli amerlassusillit 2019-imi pisarineqarsinnaassasut Pinngortitaleriffiup inassutigaa
- 2019-imi Kalaallit Nunaata kitaani raajat 105.000 tonsit pisarineqarsinnaassapput, Pinngortitaleriffiup Aalisakkanut qalerualinnullu immikkoortortaqarfia tusagassiuutinut taama nalunaaruteqarpoq.
Raajat nunatta kitaani aappaagu pisarineqarsinnaasut ukioq mannatulli amerlassusilerneqarput.
Tunumi aappaagu raajartassat aamma allanngortinneqassanngillat 2000 tonsit pisarineqarsinnaassallutik.
Pinngortitaleriffiup raajartassanut siunnersuutai Naalakkersuisunut tunniunneqareerput, raajartassiissutissallu amerlassusissaat Naalakkersuisut inaarutaasumik aalajangiiffigissavaat.
AAMMA ATUARUK Januaarimi tunisat amerlanerusut
Kalaallit Nunaata kitaani raajat piujuartinneqarnissaat ulorianartorsiunngitsoq ilisimatusartut naatsorsuutaasa takutippaat. Biologit misissuineranni, pisarineqarsimasut allattorsimaffii naatsorsuinertigullu kisitsisini tamanna takuneqarsinnaavoq. Pinngortitaleriffik taama allaaserisaqarpoq.
Kalaallit Nunaata kitaani raajartassat 105.000 tonsiunissaat, Nunani Avannarlerni aalisarnermut kattuffissuup NAFO-p siunnersuutigaa, aappaagulu raajartassiissutissatut siunnersuutit malinneqarlutik.
Umiarsuassaaleqisoqarnera pisssutaalluni Tunumi ukiuni kingullerni marlunni annerusumik misissuinissamut Pinngortitaleriffik periarfissaqarsimanngitsoq nalunaarutigineqarpoq, Tunumilu aappaagu raajartassat allanngortinneqaratik 2000 tonaiunissaat siunnersuutigineqarluni.