Inuussutissarsiutit

Aalisarneq: Januaarimi tunisat amerlanerusut

Nunatsinni Naatsorsueqqissaartarfiup tusagassiorfinnut nalunaaruteqarluni ilisimatsissutigaa raajanik, qaleralinnik saarullinnillu januaarip qaammataani tunisat siorna januaarip qaammataanut naleqqiullugit qaffariaateqartut.

Allattoq Thomas Munk Veirum

februaarip 21-at 2018 10:16

Nutserisoq Simon Uldum -

Aalisakkallu assigiinngitsut pillugit paasissutissat qimerlooraanni, Nunatsinni aalisarnerup 2018-imi aallartilluarsimanera ersarippoq. Raajanik tunisat januaarip qaammataani 55 procentinik qaffariaateqarlutik 3.800 tonsit missaanniipput, saarullinnillu tunisat 2017-imi januaarip qaammataanut naleqqiullugit marloriaataat sinnerlugit qaffariaateqarput.

2017-imili januaarip qaammataani saarullinnik tunisat ukiut siuliinut naleqqiullugit ikinnerujussuupput, taamaammat tunisat pisarnertut iliartortutut oqaatigineqarsinnaapput.

Qaleralinnik tunisat aamma amerleriaateqarput. 2017-imi januaarip qaammataanut naleqqiukkaanni 44 procentinik amerleriaateqarput. Qaleralinniarnermi tunisat 2017-imi ukiut siuliinut naleqqiullugit nalinginnaasumik ikiliartorput, qaleralinniarnerlu maanna taamaalilluni ingerlallualersimavoq. Pingaartumik Qeqertarsuup tunuani qaleralinnik tunisat 2017-imi ikileriangaatsiarput.

AAMMA ATUARUK Aalisakkat tunisat 2017-imi ikileriartut

AAMMA ATUARUK Ukiumut 10%-inik ikilisarnissaat nalilersuiffiginiaraat

Aalisarneq: Januaarimi tunisat amerlanerusut

Aamma atuaruk