Statistik Aalisakkat tunisat 2017-imi ikileriartut
Qalerallit, kinguppaat saarullillu 2017-imi tunineqartut 2016-imi tunineqartunut naleqqiullugit ikileriarput.
Allattoq Ivik Kristiansen
Naatsorsueqqissaartarfiup siornamut kisitsisaataasa nutaat saqqummiunneqaqqammersut tamanna takutippaat.
Kinguppaat tunineqartut ikililaaraluarlutik 2016-imi 2014-imilu tunineqartut amerlaqatigingajappaat.
Qalerallilli siorna tunineqartut 2016-imi tunineqartunut naleqqiullugit ikileriarnerpaajuppuy. Siorna tunineqartut 27.000 tonsiupput, taakkulu ukiuni pingasuni kingullerni tunineqartunit ikinnerupput.
Aamma saarulliit tunineqartut ikileriarput. Saarulliilli tunineqartut 2009-mit amerliartorput, siornalu tunineqartut ukiunut 2016-ip siuliinut naleqqiullugit suli amerlanerupput.