Raajat pillugit saqitsaanneq ingerlaannaq aaqqinneqarnavianngilaq
Raajat akii pillugit saqitsaanneq Kalaallit Nunaanni Aalisartut Piniartullu Kattuffiata, KNAPK-p, siulittaasortaavata Royal Greenlandimut aaqqiivigeqquniarpaa.
marsip 14-at 2009 17:01
KNAPK-p siulittaasua, Peter Olsen, KNAPK-p Ilulissani ataatsimiinnerani Leif Fontainip ippassaq uppitippaa, amerlanerussuteqarluarluni qinigaagami. Royal Greenlandimilu pisortaanerup tullia, Pâviâraq Heilmann, maanna ataatsimeeqatigilersaarpaa.
- Nuummut tikikkuma oqaloqatigiissaagut, sulili isumaqatigiinnianngilagut, Leif Fontain Radioaviisimut oqarpoq.
Raajat akii pillugit isumaqatigiinniarneq novembarimili ajalusoormat illuatungeriit assut isumaqatigiinngissimapput. Royal Greenlandip taamani neqeroorutigaa raajat kiilumut akii 45 oorimik akitsorneqassasut, KNAPK-lli piumasaraa raajat kiilumut akii 1 koruunimik akitsussasut.
