Raajat pillugit inatsissaq tunuartiiinnarneqartussanngorpoq

Nalunaarusiaq nutaaq avataasiorlutik aalisartunut tunngassutilik sivisuumik atuunnissaa ilimanaateqarpasinngilaq.

Inatsisartuni amerlanerussuteqartut Siumut, Demokraatit Kattusseqatigiillu Partiiat ullumi inatsisartut piumasaqaataannut, naalakkersuisut akerliugaluartut, aalisarnermut nalunaarut nutaassaq taamaalilluni tunuartiinnarneqartussanngorpoq.

Nalunaarusiaq nutaaq raajarnianit tamanit akerliuffigineqarsimavoq. Akerliliissuteqarsimasullu ilaatigut makkuusimapput; Aalisartut Piniartullu Kattuffiat KNAPK, suliffeqarfik Polar Seafood, sulisartullu kattuffiat SIK.

Inatsisartunilu aalisarnermut ataatsimiititaliami amerlanerussuteqartut aamma nakkutilliinermik inatsit atorunnaarsikkusuppaat. Ataatsimiititaliap siulittaasua Ane Hansen, IA-meersoq ataatsimiititaliami kiserrammi inatsimmik atorunnaarsitseqqusinngikkaluarpoq.

Ataatsimiititaliami ilaasortat sinneri – Lars-Emil Johansen aamma Jens-Lars Fleischer, Siumumeersut aamma Augusta Salling, Atássut kiisalu Jens B. Frederiksen, Demokraatiniit, tassalu taakkua sisamaallutik, siunnersuut inatsisartunut oqaluuserisassanngortissimavaat.

Nalunaarusiami pisoqqami kiisalu nutaami assigiinngissut tassaasimavoq, ukiortaaq sioqqullugu raajanit tulaanneqarlutik tunineqartartuniit ingiinnakkat ilanngunneqarneq ajorsimammata. Nalunaarusiamilu nutaami raajat aalisarneqarlutik qaqinneqartut tamarmik aallaavigineqarlutik kisinneqartarmata, aalisartullu qalusatik immikkoortiteqqaarnagit nalunaarsortassagaat. Umiarsuup allattaavii malillugit suliarineqartarlutik, tamannalu pissutigalugu pisassiissutit nungulertorneqartarlutik.

Aalisarnermut ataatsimiititaliami ilaasortat siunnersuutaanni raajat puunut poortorneqarsimasut tunitsivinnut tunineqarnerminni eqqoqqisaartunik oqimaalutarneqartarnissaat anguniarneqarpoq.

Isornartorsiuisartut tungaanniit isumaqartoqarpoq Kalaallit Nunaata 100 mio. kr.-nit aammalu suliffiit 100 sukangasuumik nakkutilliinermik malittarisassat atuutsiinnarneqassappata annaassagai,

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat