Raajat akii pillugit isumaqatiginninniarneq ajalusoorpoq
Kalaallit Nunaanni Aalisartut Piniartullu Kattuffiata, KNAPK-p, Royal Greenlandillu raajanut akigitinniakkat pillugit isumaqatigiinniaraluarnerat ullualunnguani ingerlanneqaraluarluni ajalusoorpoq.
Allattoq Louise M. Kleemann
Raajat akiisa kiilumut 45 ørimik qaffannissaat Royal Greenlandip neqeroorutigigaluarmagu, tamanna KNAPK-mit akueriumaneqanngilaq.
Illuatungeriit taamaalillutik imminnut ungasippallaarnerat pissutigalugu raajat Royal Greenland A/S-ip fabrikkiinut tulaanneqartartut akii isumaqatigiissutigineqanngitsoortut, Pâviâraq Heilmannip Goyal Greenlandimit oqaatigaa.
KNAPK-mit oqaatigineqarpoq, Royal Greenlandip raajarnianik ataasiakkaanik isumaqatigiissuteqartarnermigut aalisartut piniartullu kattuffiat suusupagigaa. Tassami isumaqatigiissutini taamaattuni Kattuffiup piumasarisaatut akeqartitsisoqartarmat.