Raajarniarneq aallartilluarpoq
Nunavummi raajarniarneq ukiuni arlalinni ingerlalluarsimanani, maanna siumut aallaqqilerunarpoq.
septembarip 01-at 2010 05:23
Baffin Fisheries Coalitionimi pisortaq, Jerry Ward, raajarniutinik attartorpoq, raajarniutillu taakku sisamariarlutik Nunavuup imartaani raajarniareersimasut, Baffin Fisheries Coalition ilisimatitsivoq.
- Raajat 1500 tonsit ukioq-manna kilisanneqareerput, Jerry Ward, nutaarsiassaqartitsivimmut CBC Northimut oqarpoq, nangillunilu:
- Novembarip naajartornerata tungaanut raajarniarsinnaassalluta naatsorsuutigaarput tamannalu neriuutigaarput.
Nunavummi raajat pisarineqartut Kalaallit Nunaannut nassiunneqartarput, tamaanngaanniillu nunanut allanut tunisassiarineqartarlutik.
Raajat ukioq manna pisarineqartut qanoq amerlatigineri paasineqareerpata, ukiuni tulliuttuni raajarniartoqassanersoq paasinarsissasoq, Jerry Ward oqarpoq.
