Raajanik pisassiissutit ikinnerunissaat biologit innersuussutigaat

Kitaani raajaqassuseq ima pitsaanngitsigaaq, maanna aappaagumut pisassiinissami 20 procentinik ikinnerusunik pisassiisoqarnissaa biologinit innersuussutigineqarluni.

Pinngortitaleriffik 2009-mut raajanik pisassiissutissatut taamatut innersuussuteqarpoq.

Ukiormanna raajat pisarineqartussat katillutik 132.000 tonsiussangatinneqarput. Taakkua amerlavallaarnerarlugit biologit naliliipput, taamaattumik aappaagumut pisassiissutissat 110.000 tonsinut ikilisinneqarnissaat innersuussutigineqartoq Pinngortitaleriffik tusagassiuutinut ullumi taama nalunaarpoq.

Raajat ikiliartornerat biologit ernumanartoqartippaat:

- 2008-mi raajaqarfiulersimasut 1990-ikkut naajartorneranni siammarsimaffiisut ipput, taamanikkullu taamaallaat 100.000 tonsit pisarineqarput. Ullumikkut pisarineqartartut amerlaneroqimmata raajaqarfiit aalisarfigineqarnerujussuupput. Taamaammat siunissami qaninnerusumi raajat ikileriataarujussuarsinnaanerat aarleqqutigineqartoq, Pinngortitaleriffik tusagassiuutinut nalunaarummini naliliivoq.

Tunumi aappaagumut raajartassatut siunnersuutit allanngortinneqaratik 12.400 tonsiunissaat innersuussutigineqarpoq.

Aappaagumut raajartassatut innersuussutit saniatigut 2009-mut saattuartassanik Pinngortitaleriffik aamma innersuussuteqarpoq.

Sisimiut eqqaanni assangiarsoqarluarmat pisassat 350-miit 800 tonsimut qaffanneqarput.

Illuatungaatigut bioloogit isumaqarput, Diskobugtimi

assangiarsoqarpianngitsoq, taamaammat pisassat 1.5000-niit 600 tonsimut qaffanneqarput.

Paamiunut tunngatillugu pisassiissutit allannguuteqanngillat, Maniitsumili pisassiissutissanik innersuussuteqartorani.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat