Raajanik avammut nioqquteqartarneq EU-mit innarlerneqariaannaavoq

EU-p raajanut akitsuusersuinini appaaffigilernialerpaa. Taamaasiornissarli kalaallit raajanik tunisassiorneranut ajoqutaassaqaaq, canadamiut raajat akikitsuutaasa unammillertussanngormatigik. Taamaattoqaraluartorli Danmarkip iliuuseriniagarineqartoq akerlerinngilaat.

EU-mmi aalajangersinnaasuuppagu nunat allat raajanut akileraarutigisartagaat 6 procentinit 0 procentimut apparniarneqarput. Iliuuseriniarneqartorlu europami aalisakkanik suliffissuisa tunisassiorsinnaanerisa qaffassarneqarnissaata anguniarneranik aallaaveqarpoq. taama Sermitsiaq.gl allaaserisaqarsimavoq.

Siunnersuullu ilalertinneqassappat Kalaallit Nunaata raajanik tunisassiortuinut akiluttorlutik ajornartorsioreeqisunut kingunerlutsitsisinerusinnaavoq, taakkuami immikkut EU-mut isumaqatigiissuteqarnerisigut tunisassianik akitsuuteqartinneqanngimata.

Kalaallit Nunaanni siunnersuut ernumassutigineqaqaaq, taamaattoqassappammi Canadamiut akikitsunik raajaarniat suli raajat akiisa appaqqinerinik kinguneqarsinnaammat.

- Aalisartunut, tunisassiortunut nunamullu tamanut kingunerluuteqassaaq. Taama Royal Greenlandimi pisortaq Paaviaaraq Heilmann Sermitsiaq.gl-imut oqaaseqarpoq.

Kalaallit isummersuutaat Danmarkimit naluneqarsimanngillat, namminnerlu aalisakkerivissuisa ingerlaannarnissaat allatut ajornartumik naalagaaffeqatigiinnermiit pingaarnerutissimallugu. Danskillu naalakkersuisuisa EU-mi nunat 27-iusut naaperiarnissaat pissutigalugu siunnersuummut akuersinissaat naatsorsuutigisariaqarpoq. Jakob Munkhøj Nielsen, Fødevareministeriap aalisarnermut tunngassutilinnik allaffeqarfianeersoq aviisimut taama nalunaaruteqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat