Raajani angisoorujussuarni bakteeriamik nassaartoqartoq

Nordic Seafood A/S-ip raajat angisoorujussuit uutat, COOP-imik meqqillik tuniniaqqujunnaarpai.
Nioqqutissaq una Nordic Seafoodip bakteeriamik vibrio choleraemik nassaarfigereerlugu tuniniaqqujunnaarpaa.
Allattoq Anders Dall
juunip 23-at 2020 16:34

Nordic Seafoodip COOP-imit raajat angisoorujussuit uutat Brugsenimi nioqqutigineqartartut tuniniaqqujunnaarpai. Tamanna Nordic Seafoodip tunisassiamik misissuinermini bakteeriamik vibrio choleraemik nassaarneranik pissuteqarpoq. Namminersorlutik Oqartussat tusagassiuutinut nalunaaruteqarlutik taama paasissutissiipput.

Vibrio cholerae mingutsitsinermik takussutissaavoq, taannalu meriarneq timminnermillu kinguneqartitsisinnaalluni. Nioqqutissamik pisisimasut pisiaminnik igitsinissaat pisiniarfimmulluunniit pisiffigisimasaminnut utertitsinissaat tusagassiuutinut nalunaarummi siunnersuutigineqarpoq.

Nioqqutissaq una pineqarpoq:

Nordic Seafood A/S COOP Kæmpe rejer, kogte, Oqimaassusaat 300 g.
Pakkedato: 18-03-2020, 19-03-2020 og 20-03-2020
Bedst før: 18-03-2022, 19-03-2022 og 20-03-2022
Lot nummer: TASE_20/15
EAN: 7340011454953

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq