Quujasaarisartoq Reykjavikimi borgmesterinngorpoq
Islandimiut kommuunimut ippassaq qinersimmata, Jon Gnarrip partiaa Partiit ajunnginnersaat, Det Bedste Parti, Reykjavikimi qinersisartut 35 procentiinit qinerneqarpoq, rådhusimilu inissat 15-it pissarsiaralugit.
Ukiuni arlaqartuni aningaasarsiornikkut Reykjavik ajornartorsiuteqareerluni, qinersinerup kingorna illloqarfk najorlugu nuannersunngorlunilu quujanartunik misigiffiunissaa Jon Gnarrip neriorsuutigaa.
Islandimi partiit pioreersut illuatungilerniarlugit Jon Gnarrip partii Det Bedste Parti ukiup affaata matuma siornatigut aallartippaa, partiit pioreersut Islandimi ukiuni kingullerni aningaasarsiornikkut ajornartorsiortitsilersutut pisuutillugit.
Det Bedste partii kommuunimut qineqqusaarnermi Reykjavikimi nalunnguartarfinni tamani allarutit akeqanngitsumik atorneqartarnissaat qineqqusaarutigaat, uumasuusivimmilu nannumik uumasuuteqalernissaq kissaatigineqarluni. Islandimi aningaasarsiornikkut ajornartorsiorneq pillugu partiit allat qineqqusaarsimanerat Det Bedste Partiip peqataaffiginianngilaa, nutaarsiassaqartitsivik ritzau taama allaaserisaqarpoq.
