Qimagutitinneqartoq: Qutsavissaapput Aasiammiut
Illorsuarmiut Niaqornarmiullu 49-t umiarsuarmik alapernaarsuummik Ejnar Mikkelsenimik ataasinngormat Aasiannukaanneqarput. Qumagutitinneqartut ilaata Aasiammiunit tikilluaqqusaalluarsimallutik oqaatigaa.
Allattoq Simon Uldum -
juunip 20-at 2017 12:20
Illorsuarmiu Esther Zeeb, Aasialiartinneqartut ilagaat, taassumalu Aasiannut tikilluaqqusaanertik assut qujanarnerarpaa.
- Allaat makkunannga, nerisassagut, atisassagut aamakku piareeqqapput. Suna tamarmi piareereersimagaat tamakku sulingasuartartut. Qutsavissaapput assorujorujussuaq Aasiammiut, Esther Zeeb taama oqarpoq.
AAMMA ATUARUK Aasiammiut tikilluaqqusilluaqaat
Nunaqarfimminit qimarngunneqareerluni Aasiannukartinneqarnermini Qullissarmiut nuutsitaanerminni qanoq misisigimanerat eqqarsaatigisimavaa.
- Aqqutaani allatut eqqarsanngilanga taamanikkut Qullissarmiut nuutsitaagamik qanoq ajortigiva? Taamatut misigisimalluni tamaannarpunga, Esther Zeeb taama oqarpoq.
Apersorneqarnera allaaserisap qulaatungaani isiginnaarneqarsinnaavoq.