Qungussutariannguaq serlersaarneqarsimasoq
Inuusaliaq Københavnimi Langliniemiittoq Qungussutariannguaq unnuaq serlersaarneqarsimavoq.
Danskit aviisiat Ekstra Bladet taama allappoq.
Qungussutariannguup toqqammavia ujarak qalipaat atorlugu Racist Fish-imik , tassa aalisagaq ammit qalipaataannik assigiinngisitsisoq-mik allanneqarsimavoq.
AAMMA ATUARUK Qungussutariannguq serlersaarfigineqartoq
Qungussutariannguaq ataasiaannarani serlersaarneqarnikuuvoq. Ilaatigut niaqua arlaleriarluni talialu pilattorlugit peerneqarnikuupput.
Qalipaammillu kuillugu aamma serlersaarneqarnikuuvoq.
Kingullermik ukioq manna januaarip qaammataani serlersaarneqarmat toqqammavia ujarak "Free Hong Kong"-imik, tassa Hong Kong aniguisinneqarli-mik qalipaat aappaluttoq atorlugu allanneqarsimavoq.