Qullissara cd-nngorlugu saqqummersinneqarpoq
Makka Kleistip Nunatta isiginnaartitsivianeersup illoqarfiup aamarsuarsiorfiusimasup matuneqarneranit ukiut 40-nngornerat malunnartinniarlugu arlaannik suliaqarsinnaanersoq Ilulissani Qullissat Ikinngutaata apeqqutigimavaat.
Christian Søgaard, Nunatsinni nipilersornikkut sulianut assigiinngitsunut arlalinnut peqataasimasoq, Vajgatimiut nipilersoriaasiannik, Qullissat nipilersornikkut eqqaamaneqaatigisaannik nutaanngorsaanissamik suliakkerneqarsimavoq.
Nunatta Isiginnaartitsiviata Qullissani, Vajgatimiut nipilersoriaasiata pissaaneqarfigisimasaani, juulip aallartinnerani isiginnaartitsissut takuteqqaarpaa.
Nipilersukkat isiginnaartitsissummi atorneqartut maanna saqqummersitsisarfik Ulo aqqutigalugu saqqummersinneqarput, cd-millu saqqummersitsineq Nuuk Centerimi aaqqissuussami ualimut malinnartinniarneqassaaq.
Nipilersukkat kitaarernilersorneri nutaanik ilaneqarsimapput. Tunngavippiaalli - erinarsuutit - ukiuni qulikkuutaani tallimani-arfinilinni inuppassuarnut eqqaamasanik pilersitsisimasut suli ilisarsaalluarput.
