Qulingiluanik ukiulik meerartaartoq
Nukappiaraq Kinap kangimut avannarpasinnerusortaani illoqarfimmi Changchunimi pilatsinnikkut januaarip 27-anni inunngorpoq, aamma anaananngortoq ernertaavalu ajunngitsut tusagassiuutit tamaaniittut nalunaarutigaat.
- Naartunermut tunngatillugu paasissutissat sukumiinerusut pigineqanngillat, soorlu aamma kina ataataanersoq ilisimaneqanngitsoq. Ilaqutai pisimasoq pillugu oqaaseqarumanngillat, Kinami aviisit ilaat Folkets Dagblad allappoq.
14-iliisimanngitsumik atoqateqarneq Kinami inerteqqutaavoq, taamaaliortoqarsimagaangallu pinngitsaaliinertut nalilerneqartarluni.
Niviarsiaqqap erninera aviisimi City Evening Newsimi tusagassiortup tyskit nutaarsiassaqartitsiviannut dpa-mut uppernarsarpaa, annertunerusumilli allaaserineqanngitsoq aamma oqaatigalugu:
- Oqaluttuap ingerlateqqinneqarnissaanut inerteqquteqartoqarpoq, tusagassiortoq oqarpoq.