Qulingiluanik ukiulik aallartoorfigitilluni toquvoq
Tasiilami qulingiluanik ukiulik toquvoq.
Nukappiaraq qulingiluanik ukiulik ullumi nalunaaqutaq ataasinngulersoq Tasiilami toquvoq.
Politiit paasissutissaataat naapertorlugit nukappiaraq talittarfimmi nukappiaraqatinilu umiatsiamiissimapput, aallaammit eqqorneqarluni toqummat.
Nukappiaraq qulingiluanik ukiulik napparsimmavimmut suli aqqunneqarani toqukkut qimaguppoq. Politiit susoqarsimanera misissuleruttorpaat. Maannamut paasissutissat nalunngisat aallaavigalugit nukappiaraq aallartoorfigitissimarpasippoq. Nukappiaqqap ilaqutai qaninnerit nalunaarfigineqareerput.
Tasiilami Politiit qanoq pisoqarsimaneranik maannamut oqaaseqarsinnaanngillat.