Qulimiguullit marluk nakkarmata 14-it ajunaarput
Nunat assigiinngitsut Aghanistanimiititaqarneranni ajunaarnerit anginerit ilagigaat, nutaarsiassaqartitsivik Ritzau taamatut allaaserisaqarpoq.
Qulimiguullit nakkartut aappaa Aghanistanimi nunap immikkoortuani Badhisimi nakkarpoq, taassuma nakkarnerani amerikamiut Aghanistanimi ambassadeqarfiani Kabulimiittumi atorfillit pingasut ajunaarput.
Amerikamiut sakkutuuvi arfineq marluk ajunaarput sakutuujunngitsullu pingasut.
Afghanistanimiut sakkutuuvi 14-it ajoquserput, amerikamiut sakkutuuvi aqqanillit, saakkutuujunngitsorlu ataaseq ajoquserlutik.
Qulimiguulik Aghanistanip kujasinnersortaaani nakkarmat, Amerikamiut sakkutuuvi sisamat ajunaarput marluk ajuserlutik. Aghanistanimiut pikititsiniartartuisa saassussinerisa kingorna qulimiguullit nakkarnerannut patsisaasorineqarpoq.