Qulimiguullit, aqqartartut umiarsuillu Gudrun ujaarileruttoraat
Politiit 18-inik ukiulik, Gudrun Sanimuínak' ulluni qulinit amerlanerusuni maanna tammaaneqartoq ujaaraat.
Qulimiguullit timmisinneqarput, umiarsuit aqqartartullu imaani ujaasipput. Issittumi Sakkutooqarfik arnap inuusuttup 18-inik ukiullip, sapaatip unnuaa novembarip 12-iani kingullermik takuneqartup ujaarineqarneranut ikiuukkiartorlutik Qaqortuliarput.
AAMMA ATUARUK 18-inik ukiulik ullut arfinilissaanni tammaaneqarpoq
- Tusagassiutinut nalunaarut siulleq nassiukkatsiguli marlunnit saaffigineqarpugut. Tassunga paasissutissarsiagut suli amigarput, taammaammat pasinartumik takunnissimasinnaasut tamarmik politiinut attaveqaqquagut, Kujataani politiit aqutsisuat, Laila Fleischer oqarpoq.
Politiit Gudrun Sanimuínap ajutoorsimasinnaaneranik pinerluuteqarfigineqarsinnaaneranillu paasissutissaateqanngilagut.
AAMMA ATUARUK Innuttaasut 18-inik ukiulimmik ujaasinermi ikiuunnissaat politiit kaammattuutigeqqikkaat
- Piffissarli ingerlalertoreerpoq, taamaammat arlaatigut ajutoorsimasinnaanera ilaatinngiinnarsinnaanngilarput, Laila Fleischer oqarpoq, erseqqissaatigaali tamatumunnga paasissutissanik tikkuussisunik peqaratik.