Politiit ikioqqupput: 18-inik ukiulik ullut arfinilissaanni tammaaneqarpoq
Gudrun Sanimuínak' Qaqortumi imerniartarfimmiit Rockhousemit sapaatip unnuaani nalunaaqutaq 02.30-p missaani ingerlammalli kingullermik takuneqarpoq. Qaqortumi politiit innuttaasunut takunnissimasut politiinut attaveqaqquaat.
Politiit 18-inik ukiulik nassaariniarsimagaluaraat iluatsissimanaguli, Politiit Kujataani immikkoortortaqarfiani aqutsisuata, Laila Fleischerip oqaatigaa
- Sumiissusersinngilarput, taamaammat innuttaasunit ikiortissarsiortariaqarpugut, Laila Fleischer oqarpoq.
Politiit 18-inik ukiulik susimanersoq ilisimanngilaaq.
- Ernumagaarpulli. Susoqarsimasinnaanera ilisimaneqanngisaannarpoq, taamaammat ujaarineranik aallartitsivugut, Laila Fleischer KNR-imut oqarpoq.
Gudrun Sanimuínak' kingullermik takuneqarami qorsummik kavaajaqarpoq, tungujortunillu qaamasunik qarleqarluni. Gudrun 155 centimerit missaannik angissuseqarpoq, tuattuuvoq naatsunillu taartunik nujaqarluni.
Qaqortumi Politiit oqarasuaammut 701122-imut saaffigineqarsinnaapput. Imaluunniit politiit piareersimasui 701448-imut attavigineqarsinnaapput.
