Qulimiguulik atorlugu tuttunniartoqarsimanngilaq
Ilulissat eqqaanni Ilimanami qulimiguulik atorlugu tuttunniartoqarsimanngitsoq, Aalisarnermi Piniarnermullu Nakkutilliisoqarfimmit uppernarsineqarpoq.
Allattoq Louise M. Kleemann
aggustip 28-at 2008 11:52
Angutit aallaasillit toqqiniit anisut aavarianit takuneqarsimapput. Aalisarnermi piniarnermilu nakkutilliisut ittuata Niels Laursenip taama pisoqarsorinera misissorpaa, maannalu nalunaarutigaa pineqartut tassaasut ilisimatuut kiisalu sermersiuutut ilinniagallit sulinerminnut atatillugu taakani tupersimaartut, isumannaallisaanissarlu pillugu aallaasinik nassataqarsimasut.
Taamatuttaaq Air Greenlandip uppernarsarpaa namminneq qulimiguuliutertik Bell 22 ilisimatuunit sermersiuunillu ukiuni arlalinni Kalaallit Nunaanni sulisunit piffissap tamatuma nalaani atorneqartoq tassa nalunaaqutaq ullaakkut arfineq-pingasuniit aqqarnup tungaanut atorneqarluni.
Taamaattumik erseqqissaatigineqarpoq qulimiguulik atorlugu Ilulissat eqqaanni aavartoqanngimmat.
