Qulimiguulik ajutoortoq
Canadamiut qulimiguuliutaat Station Nord-ip eqqaani ippassaq ajutoorpoq, qujanartumilli inuup inuuneranik naleqanngitsumik, taama Kangilinnguani sakkutooqarfiup qarasaasiami nittartagaani allassimasoqarpoq.
Qulimiguullip aquttuata kisimiilluni qulimiguulimmik ingerlaartilluni suna tamarmi aputaannarmik qaqortuinnaammat qanoq portussuseqartiginissani paatsiiveeruttoorsimavaa, nunamullu mittariaqalerluni.
Minnerminili timmisartua pusilluni ulikartoorsimavoq.
Taamaalimmat ajornartuulernermi nammineerluni kalerriisartoq kalerriimmat inunnik Station Nord-rimeersunik qamuteralannik annaassiniariartortoqarpoq.
Silalu pitsaanerpaajunngikkaluartoq qulimiguullip aquttua nassaarineqarsinnaasimavoq.
Angut immannguaannaq kimillatsitersimavoq Station Nord-riliaanneqalertorlunilu, Kangilinnguanilu sakkutooqarfimmiit oqaatigineqarpoq, angutip nassaarineqarnini pillugu qujamasussimaqisoq.
