PITUFFIK Qujaukitsoq: Atorfilinnik soraarsitsisoqarnavianngilaq
Taanna naalakkersuisullu siulittaasuat, Kim Kielsen, misissuinissamik imissuteqarnikuuvoq,
USA-p Pituffimmi sakkutooqarfiani kikkut sullissisussaanissaannik aalajangernweq sioqullugu susoqarsimanera paasiniaqqulugu. USA-mi taamani aalajangeraluarput, suliffeqarfik Danmarkimi nalunaarsugaasoq amerikamiunilli pigineqartoq sullissisuussasoq.
- Naalakkersuisuniit tunngavissaqanngilagut akisussaatitsissalluta aamma atorfinititsisarmut qanoq kinguneqartitsisoqarnissaanik suliap inerneranik toqqammavissaqannginnatta, misissuisitsinermit inernerit tusaatissatut tiguavut, Nunanut allanut Naalakkersuisoq Vittus Qujaakitsoq taama oqarpoq.
Tassalu atorfilittanik soraarsitsinissamik eqarsaateqaratik, Vittus Qujaukitsoq taamaalilluni oqarpoq.
Aamma atuaruk PITUFFIK Hardenbergi suliamut akuunersoq uppernarsaatissaqanngila
Naalakkersuisorlu itisiliivoq.
- Piaaraluni kukkusoqarsimanera pisimanngitsoq naqissuserneqarpoq, Vittus Qujaukitsoq oqarpoq.
Misissuinerulli aamma takutippaa Naalakkersuisunut siulittaasuusimasup Pituffimmut tunngatillugu suliariumannittussarsiuussineq politikkikkut soqutiginaateqartutut isiginiarsimanngikkaa. Suliaq 'allaffissornikkut suliassatut' isigisimallugu misissuinermut atatillugu nammineq oqaatigisimavaa.
Kisianni tama isornartorsiuineq Vittus Qujaukitsup isummerfigerusunnguilaa.
Aamma atuaruk ATAATSIMUT ISIGALUGU Pituffimmi kiffartuussinissamik isumaqatigiissutip annaaneqarnera
- Naalakkersuisutut, Naalakkersuisuusarsimasut ataasiakkaat sulisimanerat taakkualu kukkussuteqarsinnaasimanerat uanga eqqartuussisutut inissisimasinnaanngilanga taamaattumik eqqartuussissuserisup naliliisimanera innersuussutigerusuppara, Vittus Qujaukitsoq oqarpoq.