Quiasaarusiaq Jappa Upernavimmi isiginnaartitsissutigineqalersoq
Suliffeqarfiit katersortarfimmi saqqummiussinerisa saniatigut Nunatta Isiginnaartitsisarfiata isiginnaartitsissusiaa quiasaarusiaq Jappa, Upernavimmiut unnugu isiginnaariarsinnaassavaat.
Isiginnaartitsissusiaq Upernavimmi Multihalimi isiginnaariarneqarsinnaassaaq. Jappa, Nuummi, Qaqortumi, Sisimiuni, Ilulissani Qasigiannguani Aasiannilu inunnit 2000-init amerlanerusunit isiginnaariarneqarsimavoq.
Upernavimmiullu ullumi tassa isiginnaariarsinnaassapput, sila ajussanngippat, timmisartorlu Ilulissanit Upernaviliarsinnaassappat.
Isiginnaartitsisartummi Nunatta Isiginnaartitsisarfianeersut sinerissami angalanerminni arlaleriarlutik kinguaattoortarput silap ajornera pissutigalugu.
Isiginnaartitsisartut teknikerilllu Ilulissani ullualunni maanna utaqqereerput, Upernavimmulli ullumi ullaap tungaani anngussinnaanissartik neriuutigalugu. Nunatta Isiginnaartitsisarfia tusagassiuutinut taama nalunaaruteqarpoq. Isiginnaartitsissutip takuteqqaarneqarnerata KNR-imi ilanngutassiarinera ataani isiginnaarneqarsinnaavoq:
<iframe width="560" height="315" src="https://www.youtube.com/embed/hxGxbHje1CM" frameborder="0" allowfullscreen></iframe>