Qoorortoorsorluni tikaagullinniarneq unitsinneqarpoq
Nal 09.47 nutartigaq
Qaasuitsup Kommuniani qoorortoorsorluni tikaagullittassat ukioq 2010-mi sinneri suli agguaanneqanngitsut, Uummannami eqqaanilu piniartut tikaagullinnik sisamanik pisaqarsimanerat Qaasuitsup kommuneanit erseqqissaassutigineqarpoq.
Aamma Saqqap eqqaani ataaseq pisarineqarpoq.
Uummannami eqqaanilu piniartut qinnuvigineqarput, ukiup 2010-ip sinneranut qoortoorsorluni tikaagullittassaat pisassiissutigineqarnissaat utaqinneqartariaqartoq.
Qaasuitsup Kommunianit ilisimatitsissutigineqarpoq kommunimi tamarmi qoorortoorsorluni tikaagullinniarneq ingerlanneqassanngimmat qanoq pisoqarsimaneranik qulaajaaneq ingerlanneqartillugu aammalu kinguneqartitsineq qanoq ittuussanersoq isummerfigineqartinnagu.