Qooqqut Festivalimi pisussat nalunaarutigigaat

Kulturikkut illorsuaq Katuaq aaqqissuisuuvoq, ilaatigullu ilaqutariinnik sammisassaqartitsisoqassaaq, oqalugiartoqarluni, tusarnaartitsisoqarluni allarpassuarnillu sammisaqartitsisoqarluni.

Aamma qaannamik misiliisoqarsinnaavoq, ujaqqanik qiperuisoqarluni, eqqumiitsulianik nipilersornermillu sammisaqartitsisoqarluni, ilaatigut stompertoqassaaq, meeqqat erinarsuutaannik tusarnaartitsisoqarluni uaajeertoqarlunilu.

Tusarnaartitsisussat arlallit

Nipilersortartut arlallit tusarnaartitsissapput. Stomperneq, meeqqat erinarsuutaannik sammisaqarneq pisattat suulluunniit atorlugit nipilersoqatigiinneq Dida G. Heilmann suleqatigalugu ingerlanneqassapput, Nunatta Isiginnaartitsisarfiani isiginnaartitsisunngorniat suleqatigalugit uaajeertoqassaaq, Hans Henrik Suersaq Poulsen aamma Yellowknifemeersoq Tiffany Ayalik torlorsussapput.

Pisussat tamaasa uani takuneqarsinnaapput.