Qiterutitik mikigileraluttuinnarpaat
1987-imiit danskit pualavallaartut amerligaluttuinnarsimapput, angutit marloriaammik arnallu sisamariaammik amerlatigisut pualavallaarput, Rockwool-fondimut misissuinermi tamanna erserpoq.
Pualavallaalernerlu arnanut sakkortunermik sunniuttarpoq, orsormi ulorianartoq naamiittarmat, arnallu naamikkut puallarnerusarput, ilisimatusartoq Jane Greve misissueqataasimasoq taama oqarpoq.
- Misissuinerillu amerlasuut takutippaat peqqissuunissamut aarlerinartut amerlasuut tassunga tunngasuusut, tamannalu tupaallaatigeqaarput, Jane Greve oqarpoq.
Pualavallaartut kisimik amerliartunngillat, danskit angutitaasa affat sinnerlugit pualavallaalertariaapput, arnallu 43 procentii pualavallaalaarlutik.
- Pissakitsut pissaqarnerillu akornanni pualavallaalertartut assigiinngissutaat annertusiartuinnarpoq, tamannalu ernumanarpoq, paasisitsiniaanerimmi ilinniagartuutulli ilinniagakinnernut iluatissimatiginngillat, Jane Greve oqarpoq.
Puallariartortullu amerligaluttuinarneri ilisimatusartunut tupaallannarpoq.
- Nunani allani takusinnaavarput pualavallaartut amerliartorunnaarsimasut. Danmarkimilu misissuinerni nutaani takusinnaavarput meeqqat pualavallaartut amerliartorunnaarsimasut inersimasulli suli amerliartorput, Jane Greve taama oqarpoq.
