Takornariussuaq Alaskamut tulammat, umiarsuup siornatungaani qipoqqaq toqungalluni akkiuteqqasoq nassaarineqarpoq. Taama Anchorage Daily News allappoq.
Umiarsuarmi ”Summit”-imi inuttat qipoqqaq toqungasoq umiarsuup saavatungaaniittoq paasillugu tupaallassimapput, arfermut apornermik malugisaqartoqarsimanngimmat.
Qipoqqaq 8 meterisut takitigisoq umiarsuarmit aporneqarluni toqusimanersoq imaluunniit toqungareerluni imaani tissukartuusimanersoq, pisortanit misissorneqaleruttorpoq.
Arferit illersorniarlugit, Amerikami pisortat ilaatigut ajutoorfiup nalaani Disenchantment Bay-mi angallannermi inatsisit sukateriffiginiarlugit periarfissanik misissuipput.
Maannakkuugallartoq umiarsuarmi Summit-imi inuttat kukkussuteqarsimanissaat ilimagineqanngilaq.