Qinoqatigiinnermi titartakkat eqqaaneqarpianngillat
Politiit naapertorlugit inuit 1000-t missaat peqataapput, angutit ingerlaaqatigiinnermi saarliusimapput, arnallu tunorliullutik. Akerliussutsimik takutitsineq eqqissisimasumik pisimavoq.
Muuamaamik titartakkat naqeqqinneqarnerat Gazami aqqusinerni aamma malunniuppoq. Danskit erfalasuinik ikuallaasoqarpoq, ministeriunerup assinginik aserorterisoqarpoq, Nunanulli allanut tunngassuteqartunut ministereqarfimmit aallartitaq, Klavs A. Holm, aviisimut Politikenimut oqarpoq, tamakku saniatigut allanik perulluliortoqanngitsoq.
Klavs A. Holm oqarpoq, muuamaamik mitaatiginnilluni titartakkat nunarsuarmi islamimik upperisaqarfiusuni ikittuinnarni tallimanngornikkut qinoqatigiinnermi eqqaaneqarsimasut, titartakkallu pillugit imatorsuaq perulluliortoqanngitsoq.
