Qinnguartaat Omniscan Danmarkimi misissuiffigineqalerpoq

Tarrarsortittarnerit MR-imik taaneqartartut, omniscanimik atuiffiusartut, Nunatsinni atorneqarneq ajorput. Taamaattorli Dronning Ingridip napparsimmavissuani nakorsaaneq Folmer Lynggård aperaarput, kalaallit Omniscanimit atuiffigineqartut allatigut sunnertittarnersut.

- Naamik, taamatut sunnertittunik naammattoorsinikuunngilanga.

Nakorsaaneq Folmer Lynggaard oqarpoq, taanna katsorsaanermi atorneqartartup taassuma timip ipiutaasartaanik ataatsimut katigussisunut sunniuteqartarnera paasineqarmat Herlevip napparsimmavissuani atorfeqarpoq. Taanna aperineqarami kalaallinut kingunerlutsitsisinnaanera maannamut takussutissaqanngimmat, taava maani siunissami naamattoornissaa naatsorsuutigisinnaassannginneripput, ima akivoq:

- Tamanna qulakkeerlugu maanna oqaatigisinnaanngilarput. Tassami Omniscanimik atuinerup kingunerluutigisartagai aatsaat qaammatit pingasut arfinillillu qaangiunnerisigut malunniuttarmata.

Aamma 2008-mi tartulerneqartunik taamatut kingunerlutsitsisunik takusaqarnikuunngilanga. Tartuluttut Rigshospitalimi tartulerneqartut tamarmik, Kalaallit Nunaanneersut ilanngullugit, peqqissutsimut paasissutissat misissoriikkanik allattuiffiusut maanna misissoqqissaarneqassapput. Matumani Omniscanimik atuiffiusimasut immikkut maluginiarneqassapput, kingunerlutsitsisoqarsimanersoq paasiniarlugu, Folmer Lynggaard naggasiivoq.

Omniscan kingunerlutsitsisinnaasoq paasineqarmat oqartussat 2006-imi Omniscanip atorneqarnissaa inerteqqutigilerpaat.