VIDEO Qinngornernut ulorianartunut eqqaaveqannginnissamik siunnersuut taperserneqanngilaq
![](/sites/default/files/styles/image_934x467/public/oembed_thumbnails/2022-12/4aboQ8LL3YBN7xIr-FW8WI6A3_6rEbgKgFtut7RBScw.jpg?itok=vydH5D97)
Uranimik akullit qinngornernillu ulorianartunik akullit piiarneqalissagaluarpata nunatsinni eqqaaveqalersinnaannerup inerteqqutigineqalernissaanik siunnersuut Inatsisartuni akunnerpaalunni ippassaq oqallisigineqarpoq.
- Siunnersuutigivara pissutigalugu kingornatigut eqqaaveqarfimmi ajutoortoqassagaluarpat innuttaasut aningaasartuuteqarujussuannginnissaat taavalu aamma aatsitassarsiorfik matuppat mingutsaaliuinissamut aningaasartuutissat pinngitsoortinneqarniassammata, Aqqaluaq B. Egede, Inuit Ataqatigiit, KNR-imut nassuiaavoq.
Aamma atuaruk Urani pillugu isumaqatigiinniarneq ajornakusoorpoq
Tamannali Naalakkersuisooqatigiinnit akuerineqanngilaq.
- Naalakkersuisooqatigiit una siunnersuutigineqartoq ilalinngilaat, isumaqannginnatta eqqortuusoq taamaalilluni aatsitassarsiornerit tamat mattutissallugit. aatsitassaqarnermut inatsipput matussusooreernikuugami apeqquteqaatigineqartunut taavalu isumannaallisaannermut aammalu avatangiisinut inatsiserput matussuseereerluni, Aatsitassanut naalakkersuisoq, Randi Vestergaard Evaldsen, Demokraatit, KNR-imut oqarpoq.
Aamma atuaruk IA: Naalakkersuisooqatigiit uranimut killiliinissaq pillugu isumaqatigiinngillat