Qinersiviup unnukkua Nuummi eqqissisimanartoq
Pinngitsaaleeriaraluarneq eqqaassanngikkaanni Nuummi Politiit Folketingemut qinersinerup unnukkua eqqissisimanartumik atorpaat.
Allattoq Per Andersen
septembarip 16-at 2011 09:06
Nuummi politiit ippassaq qinersiviup unnukkua eqqissisimanartumik atorpaat, taamaattorli suliassaqarsimapput. Unnukkut nalunaaqutaq qulip qeqqata missaani arnaq 40-t sinnilaarlugit ukiulik nammineerluni politiinut saaffiginnippoq, angummit 55-inik ukiulimmit, angutip inaani pinngitsaalineqarsimalluni.
Saaffiginnittoqarnerata kingorna politiit angut 55-nik ukiulik angerlarsimaffiani tigusaraat. Tigusarineqartorli aalakoorpallaarnini pissutigalugu pisumut oqaaseqarsinnaasimanngilaq, kinguneranillu isertitsivimmi unnuisariaqarsimalluni.
Angut pinngitsaaliisimasutut eqqartuussivimmi ullup ingerlanerani sassartinneqareeruni unnerluutigineqartussaasoq Nuummi Politiini pingaartuusoq Jesper Fleischer oqarpoq.
