Qinersisoqarnissaa inatsisitigut nalorninartoqarpoq!
Inatsisartut aqagu tallimanngornermi septemberip ulluisa 23-ianni ataatsimiilerpata – qinersisoqarnissaanut inatsisit pillugit aaqqiagiinngittoqarnissaa, Kalaallit Nunaanni Sulisitsisut Kattuffiata nittartagaani ilimagineqartoq allassimavoq.
Inatsisitigut paasissutissami apriilip 14-ianeersumi erseqqissarneqarpoq, Naalakkersuisut siulittaasuata piffissaanngitsukkut qinersinissamik aalajangiinera erseqqarloqisoq, tamannalu Inatsisitigut naapertuutinngitsumik ingerlanneqarsimasoq Kalaallit Nunaanni Sulisitsisut Kattuffiata nittartagaani oqaatigineqarpoq.
Nittartakkami tassani allassimasut malillugit
aningaasartuutissanik inatsit Siumup akuersaarsimanngikkaluarpaguluunniit, IA, Demokraatit, Atassut Kattusseqatigiillu amerlanerussuteqarnermikkut qinersisoqaqqaanngikkaluartoq naalakkersuisunngortitsisimasinnaagaluartut.
Aningaasanut Inatsissaq atuuttussaagallartoq Inatsisartuni amerlanerussuteqartut aamma akuersissutigigallarsinnaagaluarpaat, Naalakkersuisullu siulittaasuata Hans Enoksenip qinersinissamik aalajangernera akueralugu, Kalaallit Nunaanni Sulisitsiut Kattuffiani nittartagaani www.ga.gl-imi allassimavoq.
