Qinersisoqareernerani præsidentit marluulerput

Illoqarfinni arlalinni ippassaq akersuuttoqareernerata kingorna naalagaaffiup inuisa imminnut sorsunnerannik kinguneqartariaavoq:

Præsidentitut qinigaarlaaq, Alassana Ouattara, illersortini ippassaq Abidjanimi aqqusinerni akerliutippai, tv-qarfimmullu tiguaajartorlugit. TV-qarfimmi sakkutuunit, præsidentimit Laurent Gbagbomit illersuisunit, naapinneqarput.

Sakkutuut inunnut eqqarsimapput, inuit nunamut milorujussuupput ilaalu qimaaniarsaralutik. Inuit 20 30-illu akornannik amerlassusillit toqupput, hunnorujukkaallu ikilerneqarlutik.

Hotel Golfimi præsidentitup qinigaasup Ouattarap najugaqarfigisaani, FN-imit illersorneqartumi, imminnut akerleriit aallaasaarput.

FN-ip sakkutuui franskillu Elfenbenskystimi sakkutuui maannamut akersuunnernut ilaasimanngillat.

Præsident Gbagbo nunami sakkutuunit akilersillutillu sakkutuunit 3.000-nit Liberiameersunit illersorneqarpoq, Ouattara-lu pikitsitisunit avannaaneersunit illersorneqarluni.

Nunarsuarmi tamanit Gbagbo tunuartinniarneqaraluarpoq.

- Elfenbenskystenimi innuttasut kissaataat akerlilerlugit Gbagbo præsidentiuniinassaguni atia EUp iliuseriikkanut kinguneritittagaannut ilanngunneqassaaq, Franskit præsidentiat Nicolas Sarkozy EUp Bruxellesimi ataatsimeersuarneranit ullumi taama oqarpoq.

Kingunerititaasinnaasut tassapput inuup nammineq aningaaserivimmiittuutitai nikissinnaajunnaarlugit nunanullu allanut angalasinnaajunnaarsinneqarsinnaalluni.

Sarkozyp Gbagbop pissaanermik tigumminniinnarnera assut ajoraa

-kusanaatsuliorpoq, Sarkozy oqarpoq.