Qinersisartut qinikkanik uparuaaput

Qinersisartut Royal Greenland pillugu ersarissumik paasitinneqarusupput. Inatsisartut naalakkersuisullu qanoq siunnerfeqarnersut qinersisartunit aamma ujartorneqarpoq.

Inatsisartut ataatsimuiinnerat torernerusumik paasinarnerusumillu ingerlassasoq qinersisartut isumaqarput.

Suliat taama pingaaruteqartigisut suliarineqarnerat ikkagineqarpoq, sunalu siunnerfigineqarnersoq paatsuungassutigineqarluni. Inuit aperisagut ima isumaqarput:

Qinersiartut ilaat oqarpoq oqallinneq ikkanaarlugu, Royal Greenland pingaaruteqaqimmat, sunalu siunnerfigineqarnersoq paatsuunganarluni. Taamaammat pisut paatsuunganartut qinersisartut ilaat oqarpoq.

Qinersisartullu ilaat oqarpoq pissanngatigalugu inatsisartunut qinersisoqaqqissanersoq. Royal Greenland pillugu suna oqaluuserineqarnersoq paasinanngilaq, ersarinnerusariaqarpoq, qinersisartut ilaat oqarpoq.

-Ersarippallaamik isumaqatigiinginneq tusartuarparput. Politikkerit oqaloqatigiilluartariaqarput qinersisartut paasitinneqarluassappata, isumasiorneqartut pingajuat oqarpoq.

Piffissami kingullermi naalakkersuisut, inatsisartunilu illuatungiuliuttut, Royal Greenland pillugu isumaqatigiissinnaannginnerat qinersisartunit taama isummerfigineqarpoq.