KNR Qinersisartunik ataatsimiititsinermi teknikkikkut ajutoorneq
Kinguaattornermut kingornalu nipaata ajornartorsiutigineqarneranut pissutaasoq tassaavoq aallakaatitsinerup aallartinngilaattaani KNR-ip nipimik aqutsissutaata ajutoorutigineqarnera.
Kinguaattoorneq nipaatalu akornuteqarnera KNR-ip ajuusaarutigaa.
Nunatsinni aningaasarsiornikkut ilungersunartorsiorneq KNR-imut soorunami aamma sunniuteqarpoq, ajoraluartumillu kissaatigisatsitut atortorissaarutitsinnik nutarterinissatsinnut periarfissaqanngilagut. Taamaammat nuannaarutigeqaara timersortarfissuup atortorissaarutiminik sulisisutsinnut atukkiussisinnaasimammat, piffissarlu sivikitsuinnaq atorlugu aallakaatitsinerup nipaa naammaginartumik aaqqiissuteqarfigineqarsinnaasimammat qinersisartunik ataatsimiititsineq aallakaatinneqarsinnaasunngorlugu.
Taamatut pisoqaqqinnginnissaa KNR-ip soorunami sapinngisaq tamaat sulissutigissavaa.
Inussiarnersumik inuulluaqqusillunga
Søren Lennert Mortensen
Pisortaaneq
