Qinersinissaq aalajangiussimaneqarpoq

Inatsisartut aqagu ataatsimiinnissaminni inatsisartunut maannaannaq qinersinissamik Naalakkersuisut siulittaasuata Hans Enoksen-ip suaaruteqarnera isummerfigineqassaaq. Tassunga atatillugu Siumut naalakkersuisuutitaqartut tunuinnarlugit nutaamik naalakkersuisuungortitsinissamut partiit allat inatsisitigut periarfissaqarput. Periarfissarlu ammaffigineqarpoq.

Naalakkersuisut siulittaasuata Hans Enoksen-ip qinersinissamik suaaruteqarnera Inatsisartut aqagu ataatsimiinnissaanni oqaluuserineqassaaq. Siumut avataaniittut partiit kattussuukkunik amerlanerussuteqalerlutillu naalakkersuisunik uppisitsisinnaanerat eqqartorneqartareerpoq, massakkulu qinersinissaq sioqqullugu periarfissaanera aamma saqqummiunneqarpoq. Inatsisartut naalakkersuisullu pillugit inatsisaanni allassimavoq

piffissami Inatsisartut atuuffianni naalakkersuisut nutaarluinnarmik katiterneqarnissaannik Inatsisartut kissaateqarsinnaasut, tassungalu ilaavoq naalakkersuisut siulittaasuannik qinersisinnaaneq. Periarfissaq manna Siumut saniatigut inatsisartuni partiinit allanit massakkut mississorneqaleruttorpoq.

Naalakkersuisooqataasut Inuit Ataqatigiit periarfissamut ammapput, taamaattorli qinersinissaq suli aalajangiussimagitsik Inuit Ataqatigiinni politikkikkut siulittaasup tullia Kuupik Kleist oqarpoq:

- Inatsisinik paasisinnerput malillugu Inatsisartuni aqagu amerlanerussuteqarsinnaasut qanorluunniit aalajangersinnaapput, tamanna pillugu uagut isumaqarpugit periarfissat tamarmik suli ammagallartut.

- Inuit Ataqatigiit qinersinissaq suli nuannaarutigaarput, taamaattumillu qinersisoqartariaqartoq isumaqarpugut.

Demokraatit periarfissamut aamma ammapput, tamaattorli qinersinani uppisitsinissaq imminut akilersinnaanngitsoq siuttaasuat Per Berthelsen oqarpoq:

- Ajorinngilluinnarparput atituumik isumaqatigiiffigineqartumik aappaagumut aningaasanut inatsisissaq isumaqatigiissuteqarfigineqarsinnaappat, qinersinissarlu kingornalu suaarutigitillugu.

Demokraatit qinersisoqarnissaanut isumaqataapput.

Kattusseqatigiit siulittaasuat Anthon Frederiksen oqarpoq inatsisartunut qinersinissamik suaaruteqarnermut isummernertik attatiinnarini, tassa qinerasinissaq avaqqunneqarsinnaanngitsoq Anthon Frederiksen oqarpoq.

Pineqartoq Atassummi ullumi aamma oqaluuserineqarpoq. Qinersisoqarnissaalu aalajangiussimaneqarpoq.

- Qinersisoqartariaqarpoq, Atassut qinersinissamik piumasaqarnikuummat. Atassut allamik isummissaguni tutsuiginassuseerutissaaq. Inuiaqatigiittaaq akornanni qinersisoqarnissanik kissaateqarneq ersarereermat qinersoqartariaqarpoq, Ellen Christoffersen, Atassut sinnerlugu Inatsisartuni ilaasortaq taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat