Siuttunit taarsiisoqaratarsinnaasoq – IA 37 procentinik pingasunut kisitanik siuttuusoq. Assi: Scanpix

Qinersinermi kisitsisit affaat maanna kisinneqalersimalerput- Inuit Ataqatigiillu Siumumit taaneqarnerupput.

Partiini IA anginerpaanngussaguni, 1979-ip kingorna aatsaat aappassaani Siumut naalakkersuissuuni siuttuussanngilaq.

Inatsisartunut taasinerit affaat pingasup qaangilaaraa maanna kisinneqalersimalerput.

Inuit Ataqatigiillu maanna 37 procentinit taaneqarlutik siuttuugallarput. Tamannalu illuatugiliuttut paarlaannerannik kinguneqarsinnaavoq.

Siumut 30 procentinik maannamut taaneqarput.

Nuummilu qinersinerit maanna kisinneqarsimalerput, Inuit Ataqaqtigiillu siuttuunerannik tamanna tunngaviliisooqataavoq:

Illoqarfiimmi pingaarnersaanniit 3.848-t Inuit Ataqatigiinnut qinersisimapput. Inatsisartunut 2018-imi kingullermi qinersisoqarmat, inuit Ataqatigiit 1.165-init qinerneqarput.

AAMMA ATUARUK Isumasiuineq: IA siuariangaatsiartussatut isikkoqarpoq

Nunatsinni illoqarfiit anginerit aappaanni, tassa Sisimiuni Inuit Ataqatigiit taaneqarnerusimapput. 

Taamaalilluni IA 875-init taaneqarsimalluni, tamannalu qinersinerup siulianit 2018-imeersumit 313-init taasisut amerleriarsimapput. 

Sisimiuni Siumumut taasisarneq appariarsimavoq, tassani Siumut 835-init taaneqarsimalluni, tamannalu qinersinerup siulianit 2018-imeersumit 878-init taaneqarsimavoq. 

Illoqarfiit pingaarnersaasa pingajuannit, Ilulissani Siumut suli 651-iit taaneqarluni siuttuuvoq.

Inuit Ataqatigiit Ilulissani 651-init taaneqarpoq.

Taamaattorli Kommune Kujallermi siuttut nikipput, tassami Inuit Ataqatigiit taaguunneqarluarput. Inatsisartunullu qinersinermut tamanna aamma sunniuteqarluarpoq. Tassami Nunatsinni illoqarfiit anginerit sisamaanni, Qaqortumi IA 39 procentinit qinerneqarpoq. Siumut 33 procwntinit qinerneqartoq. 

Partiini IA anginerpaanngussaguni Namminersornerulernerup kingorna 1979-imili aatsaat aappassaat Siumut Naalakkersuisuni siuttuussanngilaq.

IA-mi Kupik Kleist Naalakkersuisut Siulittaasoralugu 2009-imiit 2013-imut siuttuunikuuvoq.  

Annerusumik paasissutisseeqqissuugut.....
 

Isummersuutit

Nannumik assiliisoq © Vilhelm Lynge Hard

TV, radio: Qinersisartunik ataatsimiititsinerit

INATSISARTUNUT QINERSINEQ #IQ2021

Illoqarfinni assigiinngitsuni qinersisartunik ataatsimiititsinerit tv-kkut radiukkullu aallakaatilerpagut.

Sumiiffiit ornillugit imaluunniit Facebookimi quppernitsinni KNR-imi Qinersinermi apeqquteqarnissamut periarfissaqarputit:

facebook.com/qinersineq

Pilersaarutit uani takukkit