Assi: Systime/Youtube

Qinersinermi danskit naligiinnerujussuisa sunniuteqarterujussuassavaatigut

Folketingimut juunip 18-ianni qinersinissami kina Danmarkimi ministeriuninngussanersoq Helle Thorning-Schmidt imaluunniit Lars Løkke Rasmussen, kalaallit marluk savalimmiormiullu marluk aalajangeriaannaavaat. Maannakkorpiaq taama isikkoqarpoq.

Qinersisartunik isumasiunerni maannakkorpiaq tungujortut amerlanerussuteqalaarput, taamaattumik danskit atlantikup avannaamiuinut sisamaanunut isitik maanna uisissimavaat. Apeqqutaaginnarpoq, taakku qanoq taasiumaarnersut.

Kingullermik qinersinertut ingerlasoqassappat, Siumut Inuit Ataqatigiillu tamarmik Folketingimi ilaasortaatitaqalissapput, taakkulu aappalaartunik illersuingajupput. Savalimmiormiulli amerlanertigut tungujortumik aappalaartumillu Chritiansborgimut isertitsisartut. Kisiannili Løkke Rasmussenip Thorning-Schmidtillu naatsorsuutigissanngilaat pisarnertut ingerlasoqarumaartoq.

Aamma atuaruk Savalimmiormiut aalajangiisooratarsinnaasut

Tassami Savalimmiuni maanilu Kalaallit Nunaanni politikerit isertitassamik isumaqatigiinniarnikkut periarfissaat eqiingaffigilersimavaat.

- Isumaqarpunga maanna allanngortoqalersoq. Isumaqarluinnarpunga oqartarneq nunatsinni qinikkat aappalaartunik tapersersuisarnerat maanna naatsorsuutigineqassanngitsoq.

- Arlaannaalluunniit toqqaareerusunngilaq. Taarsiullugu kikkut Kalaallit Nunaannut suliniuteqarnerorusunnersut toqqarumaaraat, Peqatiiffik Naalagaaffeqatigiinnermi siulittaasoq Nauja Lynge oqarpoq.

Nauja Lyngep apersorneqarnera uani takuguk.

- Kalaallit naliginnaasumik danskit qineqqusaarneranni nipaatsuusarput, maannali malugisinnaavara nutaamik eqqarsartoqalersoq, oqarluni sunniuteqarusulluni. Ilisimavarpummi atlantikup avannaamiut aalajangiisunngoriaannaasut, Nauja Lynge oqarpoq.

Danskillu politikeriisa taperserneqassagunik apeqqutit suut pingasut isummerfigisariaqaraat taagorlugit:

  • Naalagaaffeqatigiinnerup ineriartortinnissaanut suut pilersaarutigaasigit?
  • Killeqarfiit aporfigineqartarnerisa atorunnaarsinnissaannut siunertaqarpisi?
  • Kalaallit Danmarkimiittut atugaasa pitsanngorsarnissaat qanoq iliuuseqarfigerusuppisigit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat