Qinersineq naligiiffiusoq: IA-mi ilaasortat medlemmer vil have mere af det samme

Inuit ataqatigiit sapaatit akunnerata naanerani nuna tamakkerlugu ataatsimeersuarput.

Ataatsimeersuarnermi pisarnertut aaqqissuussaanikkut siulittaasut tullianik qinersisoqarpoq.

Tassani Agathe Fontain Aaja Chemnitz Larsenilu sassarput.

Ataatsimeersuartuni peqataasuni 72-it taasisinnaatitaapput. Agathe Fontain 35-inik taaguunneqarluni Aaja Chemnitz Larsen 33-inik taaguunneqarluni Agathe aaqqissuussaanikkut siulittaasut tulliattut ingerlaqqippoq.

Ilaasortat piumasaat tusarnaarniarapai

Agathe Fontain Inuit Ataqatigiit ilaasortaasa piumasai malillugit suliniarluni siunniuppaa:

- Tupiginngilara. Aaja sullarissuugami aamma anguniagaqartarluni taamaammat qinersiserpassuaqarnera taanna tupinnanngilaq. Kisianni uanga pingaartissimavara ataatsimeersuartut aamma periarfissaqassasut assigiinngitsunik qinersisinnaanissaminnut. Taannaavorlu aamma pisoq: Agathe Fontain misilittakkani nangeqqinniarlugit, ilaasortallu piumasaat malillugu sulinini nangeqqikkusuppaa. 

Allannguinissaq pisariaqartinneqartoq

- Amerlasuut allannguerusupput, kisianni Agathemut taasisut uannut taasisunit marlunnik aalajangiisuusumik amerlanerupput, tamannalu soorunami ataqqivara.

- Kisianni pissaaneq qinersinerup tullianiit tigumiaannassagutsigu, allaanerusumik iliortariaqarpugut. maannakkutut ingerlaannassanersugut siulersuisuunerit aalajangertariaqarpaat. Kisianni erseqqissumik siunnerfeqannginnatta immitsinnut unamminartumiitittartugut uanga isumaqarpunga, Aaja Chemnitz Larsen KNR-imut oqarpoq.

Inuit Ataqatigiit nuna tamakkerlugu ataatsimeersuarnerat ippassaq sapaammi naammassivoq.

Partiip immikkoortortaqarfinni 15-iusuni ilaasortaatitaanni 80-it ataatsimeersuarnermi peqataapput.