Qinerseqqikkusupput

Sapaatip akunnerata naanerani Nigeriami Præsidentissarsiorluni qinersineq peqquserluttuliorfiugaatsiarsimaqaaq, qinersinermi nakkutilliisuutitat amerlanersaat, taama oqaaseqarput.

Qinersinermi inernerit illua´tungiliuttunit akueriuma-neqarusunngillat, qinersisoqaqqinnissaalu piumasarineqarpoq.

Arfininngormat Nigeriami præsident-issarsiorluni qinersineq piffissaq eqqorlugu aallartinngitsoorpoq, qinersisartullu 60 mio.-iusut arfiningormat qinersivinnut qinersiartornerminni ajornartorsiutaat taannaannaasimanngilaq, qinersiartortarfippassuarni qinersinissamut allagartanik amigaateqartoqaqattaarsi-mapput, qinersiviillu ilai allagartanut krydsileereer-nermi nakkaatitsiveqarsimanngillalluunniit. Nunallu immikkoortuisa ilaani karsit qinersititsiviit qiteqquteqqasut aammalu ulikkaaqqasut aallarunneqar-tarsimapput. Qinersiartortorpassuillu maalaarutigisimavaat qinersiartoraangamik inuit allattorsimaffiannut nalunaarsorneqartarsimannginnertik, tamannalu pissutaalluni arlaleriarlutik qinersiartortarsinnaasimallutik. Illoqarfinnilu tamani inuit qinersiartortut allassimasuutigineqarneq ajorsimapput, naak, siusinnerusukkulli inuit allattorsimaffiannut allatsittarsimagaluarlutik.

Qinersisoqarnerani aamma angutaasertoqartarsimavoq,

inuit 16-it toqutaanerannik kinguneqartumik. Tupinnanngitsumik illua´tungiliuttut qinersineq uukapaatitsinertut taallugu akueriumanngilaat, piumasaralugulu nutaamik qinersisoqaqqitariaqartoq.

Maannakkullu præsident-iusup; Obasanjoe-p, qinersineq peqquserluttuliorfiusimannginnerarpaa.

Nigeriamilu qinersisoqarnerani ataatsimiititaliarsuaq qinigassanngortissimasunik suliaminik ingerlatsiteqqiinnarpoq. Ataatsimiititaliarsuup nalunaaruteqarnerani siullermi paasinarsivoq maannakkut naalakkersuisuusut qinigassanngortitaat 55-nik ukiulik Yar´adua, maannakkut præsident-iusp Obasanjoe-p pingajussaanik præsidentissamut qiningassanngortissinnaannginnini pissutigalugu kingoraartissamisut toqqarsimasaa ajugaasussanngortoq. Illua´tungiliuttullu maannakkut præsidentiusoq pasipilulerpaat, pissaanermik tigumminninniaannarluni taama torinngitsigisumik qinersinermik ingerlatsisuunerarlugu, piumasaralugulu nutaamik qinerseqqittoqartariaqartoq.