Qimuttuitsut ajutoormata pingasut ajunaarput

Qimuttuitsut arlalinnik kalitallit sukkaqalutik nakkutigineqaratillu Norgimi illoqarfiit pingaarnersaata Oslop qeqqatigoorlutik ajutoormata, inuit ikinnerpaamik pingasut ajunaarput arlalissuillu ikiligaallutik.
marsip 24-at 2010 10:46

Qimuttuitsut kalitaat 16-it qimuttuitsuniit kaanngarsimapput illoqarfiullu qeqqatigut kilometerit arfineq-marluk sukkaqalutik umiarsualiviup tungaanut ingerlaarsimallutik, umiarsualivillu tikilivillugu allaffimmut aporput, illu sequmiusavillugu. Norgimi aviisimi VG-mi tamanna allaaserineqarpoq.

Qimuttuitsut kalitaat ilaasoqarsimanngillat, aamma inunnik maqaasisaqartunik tutsaqartoqanngilaq. Allaffimmili aporneqartumi inoqarsimasinnaavoq, taakkulu aqqi pigineqarput.

Toqutaasut saniatigut inuit pingasut aqqunartiterujussuarput, ataaserlu annikitsuinnarmik ajoquserluni.

Qimuttuitsut kalitaasa ilaat maanna Oslomi umiarsualivimmiipput. Ambulancit, politiit aamma qulimiguullit annaassiniarnermi peqataapput. Annaassiniartut toqungasunik ikiligaasimasunilluunniit allanik imaani maanna ujaasitinneqarnerupput.

- Qimuttuitsut kalitaat qimuttuitsuniit kaanngarsimanersut, imaluunniit aallalerneranni ikkunnerlunneqarsimanersut suli ilisimanngilarput, Qimuttuitsoqarfimmeersoq Arvid Bårstu aviisimut VG-mut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq