John Baker Kotzebuemeersoq sukkanniunnermi ajugaavoq. Aallarami 16-inik qimmeqarpoq, tikikkami qimmii quliinnanngorsimallutik. Anchoragemiit Nomep tungaanut 1.700 kilomerinik ingerlaarnermini ullut arfineq-pingasut, nalunaaquttap akunneri 18-it, minutsit 46-t sekundillu 39-t atorpai. Agguaqatigiissillugu nalunaaquttap akunneranut kilometerit arfineq-pingasut ingerlaartarsimavoq.
John Baker qimussimik sukkaniunnersuarmi, Iditarodimi, 14-issaa peqataavoq, pinerit tamaasa inissilluartaqaluni, perngaammilli ajugaavoq. Akissarsiassarai 250.000 koruunit astbiililu.
Sukkaniunnersuaq naggataa tikillugu pissanganarpoq. John Bakerip apuunnerata kingorna, nalunaaquttap-akunnera ataaseq qaangiuttorlu, normu 2-nngortoq apuuppoq, ullut qulingiluangajaat atoreerlugit. Sukkaniuteqataasut sinneri Nomemut ulluni tulliuttuni apuutissapput.
Sukkaniunnersuaq aallartimmat 62-inik peqataasoqarpoq, maanna 51-it kingulerullutik.