Qimussimik sukkaniunnerit nunarsuarmi isorartunersaanni ajugaasoq
Qimussersup, ukiormanna ajugaasup, ingerlaanermini anorersuit, issersuaq aqqullu angallavigiuminaatsoq aqqusaartareerlugit, Alaskami naggueqatigiit Inuit illoqarfiannut Nomemut marlunngormat ullaassakkut apuuppoq.
Ajugaasorlu tassaavoq Dallas Seavey, 23-nik ukioqartoq, taassumalu ingerlaarfik, kilometerinik 1600-nik isorartutigisoq, ullut arfineq-pingasut, nalunaaquttap akunneri 13-it minutsillu marluk atorlugit ingerlaarfigisimavaa, qimussimillu sukkaniunnermi Iditarodimi ingerlaartartuni sukkanersanngorluni.
Dallas Seavey ima silarlussiorsimatigaaq ullaassakkut nalunaaqutaq sisamanut apuuffissamut pigami ajugaanini sianigisimagu.
Anorersuarnerami ima sakkortutigisimatigaaq qimussersut qimuttutik takusinnaasimanagilluunniit.
Qimussit kingulliit ullut arlallit qaangiuppata Nomemut aatsaat apuutissangatinneqarput.