Qimussersuaqarnissaanut tallimat anngupput

Qimusseq Sisimiut, arfininngormat ualikkut issittukasiugaa Avannaata Qimussersuaqarnissaanut anngunniutsitsimmat, qimussit qulingiluat peqataapput.

Imeqarfiup tasianiit Nilliasup ataaniit Sisimiut kangiatungaannut Qerrortusup majoriaanut uterlugulu qimussit sukkaniupput, katillugit 30 km missiliorlugit isorartutigisumik ingerlaarfeqarlutik.

Aallarnermiit 1 time 42 minutsit 45 sekundillu ingerlareersut siulliulluni tikippoq Knud Mølgaard,

tullersortaalluni tikippoq Marius Inûsugtok’, 1time 48 minutsit 37 sekundillu ingerlaarsimalluni,

pingajuulluni tikippoq Hanseeraq Olsen 1 time 53 minutsit 22 sekundillu ingerlaarsimalluni,

sisamaalluni tikippoq Søren Davidsen, 1 time 54 minutsit 49 sekundillu ingerlaarsimalluni

kiisalu tallimaalluni tikippoq Jørgen Bourup, 1 time 55 minutsit 41 sekundillu ingerlaarsimalluni.

Taakku tallimaallutik Avannaata Qimussersuaqarnissaani marsip 27-ani Qeqertarsuarmi ingerlanneqartussamut taamaalillutik anngupput.

Qimussit tallimat inuttaallu unammiartulerunik timmisartumik avannamut ingerlaarniarput.